உலகின் சிறந்த விமானச் சேவை என்ற பட்டத்தை 08 முறையாக வென்றது கத்தார் ஏர்வெய்ஸ்

qatar-airways-voted-worlds-best-airline-of-2024

ஜூன் 24, 2024 அன்று லண்டனில் நடைபெற்ற 2024 SKYTRAX வேர்ல்ட் ஏர்லைன் விருதுகளில் கத்தார் ஏர்வேஸ் உலகின் சிறந்த விமான நிறுவனமாகப் தெரிவு செய்யப்பட்டுள்ளது,

உலக விமான சேவை விருதுகளின் 25 ஆண்டுகால வரலாற்றில் எட்டாவது முறையாக கத்தார் ஏர்வேஸ் இந்த விருதை வென்றுள்ளது. இரண்டாவது இடத்தை சிங்கப்பூர் விமானச்சேவையும், மூன்றவாது இடத்தை எமிரேட்ஸ் விமானச் சேவையும் பெற்றுள்ளது.

ஸ்கைட்ராக்ஸின் வரலாற்றில் அதே ஆண்டில் சிறந்த விமான நிறுவனம், சிறந்த விமான நிலையம் மற்றும் ஷாப்பிங்கிற்கான சிறந்த விமான நிலையம் ஆகியவற்றை வென்ற முதல் விமானக் குழுவாக கத்தார் ஏர்வேஸ் தெரிவானது.

கத்தார் ஏர்வேஸின் குழுமத்தின் தலைமை நிர்வாக அதிகாரி, இன்ஜி. பத்ர் முகமது அல் மீர், SKYTRAX  உலக விமானச்சேவை  விருதுகளுக்கு தனது பெருமிதத்தையும் நன்றியையும் தெரிவித்தார், ” கத்தார் ஏர்வேஸ்ஸுக்கு இது ஒரு பெருமைமிக்கதருணம், மேலும் இந்த விருதை எனது கடின உழைப்புடன் கூடிய  சக ஊழியர்களுடன் பகிர்ந்து கொள்வதில் எனக்கு பெருமை கொள்கின்றோம். மேலும் இணையற்ற சேவை மற்றும் புதுமைகளை வழங்குவதில் எங்களின் இடைவிடாத அர்ப்பணிப்புக்கு இந்த விருது சான்றாகும். எதிர்காலத்தில் மேலும் பல வெற்றிகளை எதிர்பார்க்கிறோம். என்றார்.

SKYTRAX ஆல் அறிவிக்கப்பட்ட 2024 ஆம் ஆண்டின் உலகின் சிறந்த 20 விமான நிறுவனங்கள்:

1. கத்தார் ஏர்வேஸ்
2. சிங்கப்பூர் ஏர்லைன்ஸ்
3. எமிரேட்ஸ்
4. ANA  ஆல் நிப்பான் ஏர்வேஸ் (ANA All Nippon Airways)
5. கேத்தே பசிபிக் ஏர்வேஸ்
6. ஜப்பான் ஏர்லைன்ஸ்
7. துருக்கிய ஏர்லைன்ஸ்
8. EVA ஏர்
9. ஏர் பிரான்ஸ்
10. சுவிஸ் இன்டர்நேஷனல் ஏர் லைன்ஸ்
11. கொரியன் ஏர்
12. ஹைனன் ஏர்லைன்ஸ்
13. பிரிட்டிஷ் ஏர்வேஸ்
14. பிஜி ஏர்வேஸ்
15. ஐபீரியா
16. விஸ்தாரா
17. விர்ஜின் அட்லாண்டிக்
18. லுஃப்தான்சா
19. எதிஹாட் ஏர்வேஸ்
20. சவுதி அரேபிய ஏர்லைன்ஸ்

செப்டம்பர் 2023 முதல் மே 2024 வரை நடத்தப்பட்ட விரிவான ஆன்லைன் வாடிக்கையாளர் கணக்கெடுப்பில் இருந்து இந்த தரவரிசைகள் பெறப்பட்டுள்ளன. இறுதி விருது முடிவுகளில் 350க்கும் மேற்பட்ட விமான நிறுவனங்கள் இடம்பெற்றுள்ளமை குறிப்பிடத்தக்கது.

Also Read: புர்ஜ் கலீஃபாவில் விளம்பரம் செய்ய கட்டணம் எவ்வளவு? விதிமுறைகள் என்னென்ன தெரியுமா?

Leave a Reply